Vrtraaga
Vrtraaga ka villrloa hoaßa, s konnt druff aa, woo mas sait.
S Eassa mooma vrtraaga.
D Noochrichta mooma vrtraaga kenna.
D Kend miaßad se vrtraaga.
D Leit sodde se vrtraaga, andrscht wia ma äll Dääg en Noochrichta haira moss.
Nom Schwäbischen Handwörterbuch ischd s Hääs vrtraaga, wennas so aatraaga ond hee ischd, damas nemme aalega kaa.
S Vieh hot vrtraaga, wennas middm Austraaga noiz gsei ischd.
Ond dr Weitr hodd vrtraaga, wenn dr Schnai goht, wennas schtatt schneit noo no reangad, wennas em Feald ääbr wudd ond wenn dr Booda uffgfruirt.
Ond dees ischd, hoddma da Eidruck, äwweil friar dr Fall, deesjohr au schau em Dezembr.
S geit koanne so Schifeschtr mai, wias amool gea hot, Loipa haud au id soo lang ghebt, ond wemma id so guat z Fuaß ischd, hoddma mai Mores voaram vrschleifara uff dr naagfraurana Nässe, als voaram s vrschtapfad brenga em Schnai.
Waa jetz no raakonnt, bleibt schätzwoll id lang liega, d Sonna hodd schau mai Kraft.
Abr, waa widd saaga, g featzlad hoddas ämmoool no em Mai...
Vertragen
„Vertragen“ kann Verschiedenerlei bedeuten, je nach Wortzusammenhang.
Das Essen muss man vertragen.
Die Nachrichten muss man ertragen können.
Die Kinder müssen sich vertragen.
Die Menschen sollten sich vertragen, besser als man es alltäglich in den Nachrichten hören muss.
Nach dem Schwäbischen Handwörterbuch Fischer/Taigel ist die Kleidung „vrtraaga“, wenn sie so abgenützt wurde, dass sie nicht mehr tragbar ist.
Das Vieh hat „vrtraaga“, wenn es mit dem Austragen nicht geklappt hat.
Und der Winter hat „vrtraaga“, wenn der Schnee geht, wenn es statt zu schneien regnet, wenn die Flur schneefrei wird und der Boden auftaut.
Das ist, so der subjektive Eindruck, immer früher der Fall, heuer schon im Dezember.
Es gibt keine vergleichbaren Skifeste mehr wie einst, die Loipen hielten auch nicht lange, und wenn man nicht ganz sicher auf den Beinen ist, fürchtet man mehr das Ausgleiten auf der angefrorenen Nässe als das Stapfen-Müssen im Schnee.
Was jetzt noch schneit, bleibt wahrscheinlich nicht mehr lange liegen, die Sonne ist schon kräftiger.
Aber, was will man schon sagen, Schneeschauer gab es manchmal auch im Mai ...
(GG)